Geddublogg

Byrjar bara vel.

Gerður — Mon, 05 Jan 2009 13:13:34 +0000

Var að klára hádegismatinn minn sem var vigtaður skv. DDV af nákvæmni og smá pælingu. Það eru orðnar örugglega 3 vikur síðan ég gerði það síðast og mikið djö… líður manni vel Byrjaði líka í ræktinni í morgun eftir akkúrat 1 mán pásu og ekki var það nú slæmt. Fór aftur í hópeinkaþjálfun eins og í haust og held ég að það verði fínt að taka 6 vikur svoleiðis. Var svo að velta því fram og til baka með mér hvernig kort ég ætti að kaupa og hvað hagstæðast og allt það. Niðurstaðan var sú að ég skellti mér bara á árskort. Ég finn (í fyrsta skipti) hvað það gerir mér gott að æfa og ég sé að hreyfingin er e-ð sem ég verð að halda inni þannig að þetta var bara það besta í stöðunni. Við vorum svo að ræða markmið í morgun við þjálfarann og ég var svo löngu búin að ákveða markmið mitt fyrir þessar 6 vikur. Ég ætla mér að taka 6 kg á 6 vikum, þjálfarinn var nú pínu efins en ég veit að á DDV 100% er það svo vel raunhæft, þannig að það er eins gott að standa sig 100% og sýna það og sanna að þetta er hægt

Dagurinn í dag byrjar vel og það er eins gott að fara að vera skipulagður aftur og fylla inn dagbókina og telja vel og vandlega.

GLEÐILEGT NÝTT ÁR!

Gerður — Thu, 01 Jan 2009 12:37:06 +0000

Ákvað að endurvekja sjálfa mig í bloggheimum á nýju ári, ég er sem sagt upprisin Hef bara haft svo mikið að gera undanfarna mánuði að bloggið fékk að sitja á hankanum í þetta sinn. Síðastliðið ár var svo sannarlega viðburðaríkt og skemmtilegt svo ekki sé meira sagt en einnig urðu ákveðnir hlutir þess valdandi að seinni hluti þess tók verulega á og á tímabili hélt ég hreinlega að ég væri að sligast undan álagi. EN hér er ég, lifði nóv og des af og tókst að klára skólann með ágætis sóma þó svo ég segi sjálf frá, ætla áð vísu aðeins að kvabba á kennaranum mínum varðandi ritgerðina Við fórum líka fjölskyldann í geggjað ferð til Kanada með foreldrum mínum að heimsækja svila og mágkonu mína og var þessi ferð ógleymanleg í alla staði. Ferðuðumst aðeins um og skoðuðum ýmislegt og börnin fengu að upplifa hluti sem þau hafa ekki upplifð áður. Eins gott að þessi ferð var farin á þessum tímapunkti því ekki værum við að fara næsta sumar það er alveg ljóst!

Árið fór vel af stað matarlega séð og var ég mjög dugleg að halda mig við prógrammið fram á vor. Þá kom sumar og kæruleysið fór að segja til sín með hápuktinum núna yfir jólin! Jamm missti bara alveg tökin á öllu og er búin að bæta örugglega slatta á mig -þori ekki á vigtina. EN ég ætla nú ekki að gefast upp og ætla ða byrja aftur núna á nýju ári og þá eiginlega bara frá núllpunkti. Held að það sé lang best að dvelja ekki lengi við það sem maður er búin að “skemma” fyrir sjálfum sér heldur bara horfa í framrúðuna en ekki baksýnisspegilinn eins og þeir sögðu svo skemmtilega frá í skaupinu

Ræktin byrjar aftur á mánudaginn kl 06 og þá verður vigtað og mælt í DDV stíl og árið 2009 verður svo sannarlegt mitt ár hvað þetta varðar.

Jamm og jæja

Gerður — Thu, 06 Nov 2008 15:03:47 +0000

Sko mína niður um 400g þessa vikuna. Hef að vísu ekki farið í vigtun í 2 vikur en steig á vigt hér heima fyrir viku og þá var ég ekkert voða glöð þannig að nú er ég sátt. Þurfti líka svo á því að halda að fá létting þó hann hafi ekki verið meira en þetta Held að það sem er að bjarga mér þessa dagana er ræktin. Mæti þangað 3x í viku og svo er ég mikið á labbinu hér í kring, til dagmömmunnar og í vinnunna/leikskólann þannig að þó það sé kannski ekki gífurlega mikið þá er það samt e-ð.

Fór í smá búðarleiðangur því mig vantar eiginlega gallabuxur en uppskar EKKERT! Var eignlega í sjokki yfir verðinu á gallabuxum í búðum eins og Belladonna og RITA, venjulegar buxur ekki einu sinni neitt “fansí” á 10-12 þúsund kall! Nei buddann mín leyfir ekki slíkan munað. Í Zikk Zakk var ekkert sem hentaði þannig að ætli maður verði ekki að láta þetta bíða þar til eru farin svona 5-7 kg þá er þetta auðveldara Eins gott að standa sig fram að jólum eins og ég var búin að lofa mér, á svo fínan kjól sem ég fékk mér í sumar sem verður of lítill ef ég fer ekki að taka mig á

ENDURSKOÐUN

Gerður — Fri, 31 Oct 2008 12:30:00 +0000

Já held ég þurfi að fara endurskoða ýmsa hluti. Er búin að “skrópa” 2x í vigtun, að vísu kannski löglega afsökuð í gær því ég var á fundi í vinnunni og komst ekki í hádeginu en ég kem mér ekki í að fara þá bara á öðrum tíma. Held samt að ég verið e-ð að fara endurskoða þennan tíma því stundum kemst ég ekki á mínútunni 12 úr vinnu og ef ég geri það ekki næ ég þessu ekki. Hef líka verið löt við að halda mér við matarplanið þó svo að ég finni mikin mun á mér þegar ég er á rétta rólinu. Það reynist mér stundum erfitt að skipuleggja mig og hugsa fram í tímann t.d. með hádegismatinn en ég reyni að taka mið af því hvað er í matinn í vinnunni. Ég get t.d. alltaf boðað á mánudögum því ´þá er soðinn fiskur og grænmeti og nóg af því Það er alltaf grænmeti með matnum en ég þarf samt alltaf að passa mig að borða ekki bara kál heldur bæta við tómötum og fl sem er þyngra.

Jákvæði pukturinn í þessu öllu saman er að ég er dugleg að mæta í ræktina og geri það 3x í viku kl 6 á morgnanna og líka á föstudögum þó svo að ég sé ekki að fara að vinna þá daga. Ég hef stundum hugsað æ ég sleppi bara föst og fer um helgina en svo bara finnst mér svo gott að fara í þessa tíma að ég tími ekki að sleppa þeim orðin “húkkt” eins og kallinn minn sagði.

Jæja best að fara gæða sér á gulrótarsúpunni góðu.

Góða helgi.

ég er hér enn

Gerður — Fri, 17 Oct 2008 13:43:15 +0000

Já já ég er hérna. Hef bara allt of mikið að gera þessa dagana hehe. Skellti mér í vigtun í gær (fór ekki í síðustu viku) og hafði bætt á mig rúmu kílói en ég vissi það Held bara áfram mínu striki eins og alltaf. Er bara að drukna í faglegum lestri, verkefnavinnu og svo auðvitað vinna og familí.

Ætla að enda á að segja ykkur frá skemmtilegri reynslu í síðustu viku. Ég hitti nefninlega fyrrum samstarfskonu mína á ráðstefnu sem ég hef ekki hitt ansi lengi (ca. 2 ár). En það sem var ótrúlegt var að ég þekkti bara konuna varla fyrr en hún fór að tala!!!! Hún er sem sagt búin að vera að léttast með hjálp GSA og maður minn þetta er bara gjörbreytt manneskja. Maður hefur meira verið að fylgjast með fólki léttast og hitt það á “nokurra kg fresti” en ég hef aldrei upplifað það að hitta manneskju 40 kg síðar. Þetta kannski styrkti mig enn ferkar í þessari aukakílóavinnu minni, allaveg fékk mig til að hugsa mikið. Eins minnti einkaþjálfarinn minn yndislegi á það þegar við vorum að ræða saman einmitt á kjarna málsins kannski, hversu mikið vill maður léttast???

Stórt er spurt

Góða helgi.

Nýjustu tölur

Gerður — Fri, 03 Oct 2008 11:39:50 +0000

Úff upp um 200g í gær. að vísu var magapest að plaga mig í síðustu vikur og vildi Kristín meina að það gæti verið sökudólgurinn, ég gat ekki borðað eins og ég vildi og ekki magnið fyrr en á mándugaginn! Bara koma þessu frá mér, er á fullu í lærdómi og að fara að vinna verkefni þannig að það er enginn tími á miklar pælingar í dag

Góða helgi!

Gengur ekkert að blogga.

Gerður — Tue, 30 Sep 2008 10:39:40 +0000

Já dagarnir eru farnir að vera ansi pakkaðir núna. Síðasta vika var sérstaklega slæm, fundir 3 kvöld, vinna 1 kvöld og svo fullt að gera í skólanum, barnaafmæli um helgina (stóri strákurinn minn verður 8 ára á 2. okt) og í til viðbótar við þetta allt fékk ég hrikalega magapest! Eitthvað verður að gefa undan þegar er svona mikið í gangi hjá manni. Að þeim sökum fór allt matarplan út um gluggann og ég gat ekki borðað rétt né allt sem skipulagið segir til um. Fór ekki í vigtunina á fimmutudaginn því ég hreinelga bara lá í bælinu á milli þess sem ég sat á WC -ekki spennandi. En nú er ný vika og ég búin að jafna mig en þá taka börnin við! er heima með þann yngsta sem er með hita og barkabólgu litla greyið. Er komin á rólið með matinn að mestu, það tekur smá tíma að jafna sig eftir svona og ég fann svo sannarlega fyrir því í ræktinni í gærmorgun!

Læt þetta duga núna, vonandi kemur léttingur á fimmtudaginn

Allt á réttri leið.

Gerður — Fri, 19 Sep 2008 14:25:53 +0000

Úff átti nú í erfiðleikum með að komast inn á bloggið í morggun netið e-ð að strýða mér. Ég var svo skynsöm að c/p þessu á word því það saveaðist ekkert í morgun en vonandi er það komið í lag núna

Fauk inn í vigtun í gær (það var sko hífandi rok!) og var 500g léttari en fyrir viku. Nokkuð sátt því það er tölverð breyting að byrja að æfa. Er annars búin að vera dugleg í þeim pakkanum, að vísu fer ég “bara” 3x í viku en ég held að það borgi sig að byrja svona og svo kannski bæta við einni brennsluæfingu um helgi eftir nokkrar vikur.

Sit annars hér heima í rokinu, allir -eða margir vöðvar titra af þreytu eftir átökin í morgun, hörku púl í lóðatíma. Búin að borða morgunmatinn minn sem samanstóð af léttri ab mjólk og epli, og svo ristað brauð með osti og sultu sem telst ekki lengur sem extra og ég er ekkert smá hamingjusöm með það að vísu má bara 3 tsk á dag en það er sko meira en nóg fyrir mig.

verð að deila með ykkur sjónvarpsþætti sem ég datt inn í í gærkvöldi á einhverri rásinni á fjölvarpinu. Heitið á honum var “The 280 kg woman” og fjallaði sem sagt um konu sem var orðin þetta þung og guð minn góður manni leið illa að horfa á aumingja konuna sem gat varla hreyft sig fyrir spiki og hvað þá gengið. Hún fór í hjáveituaðgerð og þvílíkt og annað eins sem hún mátti þola eftir aðgerðina. Sökum þyngdar er miklu meiri hætta á ýmiskonar “complicatoins” og hún fékk vænan pakka af því. Sem dæmi kom mikið sýking í skurðinn sem var orðin bara opið gat á maganum á henni, hún gat ekki nærst og þjáðist af vannæringu (ótrúlegt fyrir mannesku sem er svona stór og mikil) og það gerði það að verkum að batinn var lengur að koma. Hún dvaldi meira og minna á spítala fyrstu 6 mán eftir aðgerð en að lokum tókst henni að fara heim 100 kg léttari!!!! Þá var hún farin að gera gengið með göngugrind, hún leit mun betur út og var farin að vera bjartsýnari á lífið og tilveruna. Þannig endaði þátturinn og því miður hefur maður ekki hugmynd um hvernig hún hefur það í dag. Á tímabili var hún hreinlega að deyja. SVO ER MAÐUR AÐ KVARTA YFIR 20 – 30 AUKAKÍLÓUM. Hætt því snarlega!

Jæja lærdómsbækurnar brosa til mín hérna

EIGIÐ GÓÐA HELGI Í ROKI OG RIGNINGU.

Vigtun gærdagsins.

Gerður — Fri, 12 Sep 2008 09:56:04 +0000

100g fóru þessa vikuna! Ekki var það nú mikið en ýmsar ástæður fyrir því kannski. Ég var til dæmis að byrja í ræktinni á mánudaginn eftir 2ja ára hlé! Vá hvað tíminn líður. Er s.s. komin í flottan hóp þriggja annarra kvenna sem mætir 2x í viku kl 06 (AÐ MORGNI) í ræktina og þar er frábært þjálfari sem púlar okkur áfram. Rosa gott start til að koma manni af stað. Fór svo í morgun í morguntímann sem ég var allaf í hér um árið. Það er svo fyndið hvað þetta er allt sama fólkið, uppbygging á tímanum svipuð, sami frábæri kennarinn og það liggur við að fólk sé á sama stað í salnum og fyrir 2 árum! Bara fyndið. Ég er s.s. að drepast úr harðsperrum eftir þessa tíma þannig að vigtin er kannski ekki alveg raunhæf. Ég finn samt á mér að það er breyting þó svo að ég sé bara búin að fara í þrjá tíma!

Jæja ætlaði bara að láta vita af mér, brjálað að gera auðvitað og sit ég núna heima að lesa, vinn sko ekki á föstudögum svo ég geti sinnt náminu í friði Best að snúa sér að skruddunum.

Góða helgi!

Mikið að gera!

Gerður — Sat, 06 Sep 2008 09:14:43 +0000

Já það má nú segja það að nú er mikið að gera. Hamast við að samræma skóla, vinnu og fjölskylduna og þetta er allt að koma

Fyrsta vinnuvikan búin og líst mér rosa vel á! Tekur samt alltaf tíma að koma inn á nýjan vinnustað en ég hef ekki upplifað slíkt síðan 2002! Svo er skil á verkefni í skólanum annað kvöld þannig að helgin fer í að vinna það og klára lestur fyrir það. Verð víst að æfa mig í því að velja og hafna er boðið í afmæli á morgun sem ég sé fram á að komast ekki í því miður en svona er þetta bara.

verð nú að deila með ykkur góðri kvöldstund sem ég átti í vikunni með ydislegum konum. Þar var mikið spjallað og önnur þeirra spáir í bolla og auðvitað var spáð. Fékk þessa fínu spá sem ég ætla nú samt ekkert að fara nákvæmlega út í það -þá ræstist hún ekki- en get ekki sagt annað að það séu spennandi tímar framundan og þú spákona -þú ert nokkuð góð því þú sást hluti þarna sem eru sko alveg réttir -TAKK FYRIR SPÁNA léttfimmtug og daman á fyrstu hæðinni takk fyrir kaffið

Jæja þá eru það matarmálin. Nú er ég búin að færa mig yfir á fimmtudaga í Grensáskirkju. Bætti að vísu 500g á mig en það á sér skýringar í Rósu blessuninni. Fór á fund sem ég hef ekki gert síðan í vor en finn að það er nauðsynlegt að mæta á þá! er meira að segja búin að hliðra þannig til vinnunni að ég er búin kl 12 á fimmtud og fer þá beit.

Jæja best að koma sér í lesturinn góða helgi!