ÉG er svo glöð að ég svíf um á bleiku skýji eftir vigtun dagsins.   Það runnu af mér 1.3 kg þessa vikuna, komin í nýjan tug og það besta að ég er komin í TVEGGJA STAFA TÖLU -eigum við að ræða þetta eitthvað frekar!!!  Þrátt fyrir utanlandsferð, smá óreglu á máltíðum (sérstaklega dagana sem ég fór út og kom heim) og pínu hvítvín og pínu bjór (vinkonu minni fannst þetta litla sem ég sötraði varla upp í nös á ketti en ég var alsæl )  Það er nú ekki hægt annað en að fara inn í vikuna með bros á vör og skipulagið gott enda var ég fljót að koma mér 100% strax í gær.

Læt hér uppskriftina af gulrótasúpunni fylgja með, hún er algjört æði:

40 g ósalt smjör (ég setti bara olíu)

1 laukur skorinn

2 msk engifer saxaður

700g gulrætur

1 L kjúklingasoð (ca 1-2 teningar)

100 ml appelsínusafi (ég var með 600g gulrætur og setti 2 dl ferskan safa s.s. 2 skammtar)

sjávarsalt og hvítur pipar

1 rauður chilli soðinn heill með og tekin svo úr og hent.

Steikja lauk og engifer í potti, malla í smá stund, setja smátt skornar gulrætur út í og steikt smá, soðið sett saman við og látið sjóða þar til gulrætur eru vel linar. Kæla aðeins -muna eftir að taka chilliinn úr, mauka svo í matvinnsluvél, bæta appelsínusafa út í og krydda.  Hafa sýrðan rjóma og graslauk með.

Í hádegismat fékk ég mér svo brauð grillað í ofni með osti ofan á.

góðar stundir

Gerður aftur glaða