Haldið þið ekki bara að tölvan okkar sé orðin “lasin” eða þannig!  Skjárinn bara fór í verkfall þannig að hún er á “spítalanum” í lækningu.  Pabbi var svo góður að lána okkur fartölvuna sína á meðan (þau eiga sko eina venjulega líka )  Ekki getur maður verið tölvulaus lengi og við vitum ekki hvað það tekur langan tíma að fá hina í lag.  En að öðru.

Skellti mér í Garðabæinn í gær eftir tveggja vikna frí.  Ég var alls ekki bjartsýn því ég stalst á vigtina heima á mánudaginn og var eiginlega í sjokki eftir það því skv henni hafði ég þyngst um allavega 4 kg!  Mamma hughreysti mig með því að þetta væri ekkert að marka þar sem vöðvar væru enn stirðir eftir göngurnar og vökvasöfnun sem ég fann nú vel fyrir.  Kílóin duttu þó svona eitt af öðru (gat ekki haldið mig frá vigtinni og steig á hana á þri og mið morgun).  Svo kom að því að stíga á hina einu og sönnu og þar kom í ljós 1,9 kíló í plús.  Miðað við sukkið þá er þetta alveg eðlilegt held ég.  Nú er rétt tæpur mánuður í að við förum út og stefni ég að því að vera á beinu brautinni þangað til.  Ætla að leyfa mér e-ð úti allavega ís og kannski smá léttvín í hitanum en er alveg búin að sjá að ef ég byrja á nammi og sætabrauði er voðinn vís :(  reyni því að koma kollinum í skilning um að það er e-ð sem bara á ekki heima á mínum matseðli til frambúðar og held að það sé bara gott að hugsa “einn dag í einu” í þeim efnum ;) 

Jæja litli stubburinn er búin að rústa herbergi stóru systur sem verður ekki ánægð þannig að það er eins gott að fara taka til hendinni

Gerður

Þá erum við komin heim eftir 5 daga reisu um norðurandið.  Mesti tíminn fór eiginlega í að keyra því það er ansi langt á Langanesið og við keyrðum heim í einum rykk svo að segja í gær og á ferðinni frá því um kl 13 og komum hér heim í Mosó kl 22:30.

Ættarmótið var alveg geggjað!  Tvær MJÖG erfiðar og langar göngur allavega fyrir mig sem er í núll formi :)  Að vísu voru jeppar með í fyrri göngunni sem var allt í allt 20 km.  Gengið var á Fagaranesið. Þegar gangan var hálfnuð var ég komin með svo slæma blöðru á annan hælinn að ég endaði á að hossast með í einum jeppanum var nú ferkar svekkt þar sem ég ætlaði mér svo sannarlega að ganga alla leiðina en svona er þetta bara.   Veðrið var yndislegt en mikið voru nú lappirnar þreyttar eftir daginn.  Ég hafið ekki mikla trú að að geta stigið fram úr rúmi daginn eftir.  EN viti menn ég vaknaði svona líka spræk og komin með góða second skin plástra á hælana og fær í allt.  Í gönguna fór ég og það má segja að hún hafi verið andstaðan við daginn áður.  Gengið var Heiðarfjall-Hrollaugstaðir-Skálar.  Að vísu var keyrt upp á Heiðarfjall en hitt gengið, 12,5 km.

Heiðrið var fVeðrið var ferkar glatað, rigning og rok og 12,5 km upp og niður, upp og niður.  Manni fannst eins og þetta  ætlaði aldrei að taka enda, og eftir að hafa arkað og arkað með hausinn í vindinn og rennandi blaut yst sem innst var  komið á áfangastað og úff hvað maður var fegin :)   Ég var nú alveg hissa hvað ég gat en stoltust var ég nú af syni mínum sem gekk báðar göngur eins og herforingi og var alltaf á undan mér hehe ;)  Hann naut sín í botn alla dagana bæði við að leika við frændfólk, að ganga og síðast en ekki síst með 100% atygli mömmu og ömmu

Hvað m        Hvað mataræðið snetrir fór það allt í klessu.  Endaði þetta sem svona ferkar mikið sukk bæði í nammi og og bara mat almennt en nú er mánudagur og matardagbókin komin upp á ískápinn og byrjuð að fylla út samviskusamlega :) 

Læt hér eins Læt góða mynd fylgja

Gerður

                         Gerður  göngugarpur

 

Mataræðirð

 

ég

É

Legg í ‘ann í fyrramálið og framundan keyrsla til Húsavíkur (eða þar rétt hjá) gist eina nótt og svo haldið á Langanesið.  Skv. dagskránni er allavega ein erfið ganga á fimmtudag þannig að þá býst ég við að vera með ekki mjög DDV legt nesti (takk fyrir ábendingar mð nesti þið sem commentuð á síðustu færslu).  Ætla að reyna einmitt að vera með þurrkaða ávexti og jafnvel luma einum og einum suðusúkkulaðimola með -gefur svo góða orku :) 

Annars datt mín aðeins í nammið í gær, er enn að glíma við nartþörfina á kvöldin :(  Æ þetta er bara eilífðarbáttátt sennilega!

Jæja verð að rjúka, á vona á vinkonum í morgunkaffi og svona.

GP göngugarpur

Þá erum við komin heim eftir viku dvöl í sumarbústað fyrir norðan.  Ágætis ferð þannig séð nema að veðrið mátti alveg vera betra.  Fyrir utan fínan dag á laugardegi (og svo fös sem fór í að keyra) var bara skítakuldi og rigning! ferlega fúlt.  Matarlega gekk vel til að byrja með en svo fór mín að verða kærulaus, smá nammi hér, BRYNJUÍS þar og smá kleiunubiti og vöfflur hjá frænku.  Úff það er svo sannarlega erfitt að halda sig við svona prógramm þegar maður er ekki heima.  Ég var að vísu fyrirhyggjusöm og var búin að gera nokkra  gulrótarsúpu skammta og passaði alltaf upp á að fá minn grænmetisskamt og morgunmatinn minn sem er oftast eins (AB mjólk, epli og brauð með osti og kaffi) en þetta helv. nammi og sætabrauð sem virðist ómissandi í svona ferðum fór alveg með mig!  Afleiðingin, jú pirringur í hausnum mínum (ógurlega ósátt við að geta ekki hamið mig og sagt nei) og pirringur út í alla í kring um mig sem fylgjast með og börnin sem segja allt í einu “mamma ertu hætt að mæla þetta” ohh þau eru ótrúlega eftirtektasöm þessi blessuðu börn. 

En í dag er dagur eitt í núllstillingu og so far so good.  Er að vísu að glíma við nartþörfina en þetta hýtur  að koma.  Er ein með þau yngri alla helgina því stóri strákurinn er á fórboltamóti með pabba sínum þannig að þá gefst ágætis tími (svona eftir kl. 21 á kvöldin) til að hugsa aðeins og endurmeta stöðuna. 

Á miðvikudaginn verður aftur lagt í ‘ ann.  Þá fer ég með stóra stráknum mínum á ættarmót í minni fjölskyldu alla leið á Langanesið takk fyrir.  Ég á nefninlega ótrúlega fjölskyldu mömmu megin ( hún átti sko 6 systkini sem eiga 2-6 börn) sem hittist á hverju ári að sumri frá fimmtudegi til sunnudags og gengur.  Það eru sem sagt skipulagðar gönguferðir -mis erfiðar út um allt land og höfum við t.d. verið í Borgarfirði, Öxarfirði, Austurlandi og svo var genginn Laugarvegurinn fyrsta árið.  Þarna verður sem sagt ekki mikið sukkað í mat heldur brennt (vonandi) sumarbústaðasyndunum :)   Eitt hef ég þó smá áhyggur af og það er hvernig ég á að skipuleggja nestið mitt.  Maður er svo vanur því að verða með brauð og slíkt í svona göngum en ekki heilu máltíðirnar!  Þetta verður hausverkur helgarinnar að hugsa þetta.  Allar ábendingar vel þegnar blikk blikk

Vegna þessara ferðalega hjá mér sé ég ekki fram á að komast í Garðabæinn í vigtun fyrr en í byrjun júlí þannig að það verður lítið um tölur þangað til en ég ætla nú samt að fylgjast með hér heima.

Over&out

Gerður

Þá er ég búin að skila sléttu kílói af því sem ég bætti á mig síðautu 3 vikur (sem var í allt 1,8 kg) ég er bara sátt við þetta.  Hef verið að nýta mér góða veðrið á kvöldin og farið í göngutúra og mikið er það nú gott… þó svo að það sé erfitt að drífa sig af stað :) 

Framundan er vika í sumó fyrir norðan og að sjálfsögðu verður allt skv plani en ekki hvað???

GöngutúraGerður

Mín bara í bloggstuði þessa dagana :) 

Bara verð að deila með ykkur fatabúðaleiðangri gærdagsins.  Þannig er að mig er búið að langa í gallapils í allt vor en hef ekki fundið rétta stærð í þessum hefðbundnu búðum sem ég hef verslað í (Evans Zikk Zakk, Belladonna of fl.) Var stödd í Kringlunni í gær og fór inn í hálfgerða “konubúð” en þar var pils, ég máta.  NB! það er ansi langt síðan ég hef verið að máta buxur og pils þannig að ég hafði ekki hugmynd um hvað stærð ég nota ;)  Byrja á 48 -af gömlum vana, allt of stórt, 46 æ svona frekar vítt, 44 OK nú var e-ð að ganga VIÐ ERUM AÐ TALA UM NR 44! ég á sko buxtur nr 52!!!!! en e-ð var sniðið samt ekki að henta mér né verðið 9500kr fyrir gallapils!  Hætti við í bili.

Síðar um daginn á ég leið í Borgartún og ákveð að skella mér á Laugarveginn í leiðinni.  Flash auglýsti nebblega gallapils og fl í blaðinu.  Ég inn vantrúuð á að passa í nokkurt þar (það eru örugglega að verða 10 ár síðan ég verslaði þarna síðast) finn pils í XL, mín inn að máta og viti menn PILSIÐ PASSAÐI!!! og ekki spillti verðið 3990 kr.  Held ég hafi svifið 10 cm frá gólfinu þegar ég gekk út.  Þá að öðru.

Í dag eru 10 ár síðan ég kláraði B.ed. gráðu frá KHÍ sem þroskaþjálfi.  Við vorum fyrsti hópur þroskaþjálfa sem kláraði þetta nám á háskólastigi og erum -held ég- stolt af því.  Af því tilefni ætlum við bekkurinn að hittast (öll í fyrsta skiptið!)  í heimahúsi, rifja upp góða daga, borða og fá okkur smá í aðra tána (nema ég auðvitað sem er í banni og það halda örugglega allir að ég sé ólétt að DDV sé bara yfirskyn )

Jæja vinkona mín ætlar að koma á eftir og mála mig -ég var nefninlega að skoða myndir frá því fyrir 10 árum úff ég vissi ekki að maður breytist svona mikið.  Að vísu er ég búin að ganga með og eiga 3 börn, og þar eru allavega einhver kíló sem komu þar en mikið er nú samt gott allavega fyrir mig að vita að ég er búin með 20 kg af þessum ca 40 sem ég hef verið að burðast með undanfarin ár.  Ég ef nefninlega ekki viss um að það væri eins mikill hugur í manni að punta sig og kaupa ný föt fyrir kvöldið ef ég væri 20 kg þyngri :(  svona er það bara.  Þess vegna er ég bara glöð og ánægð með þennan árangur og held ótrauð áfram þrátt fyrir smá hliðarspor.  Það hjálpar mér líka mikið að lesa blogginn hjá ykkur hinum sem eruð í sömu baráttu.  Saman getum við þetta með hjálp bloggheima

Góða helgi!

Gerður

Já ég var bara búin að selja sjálfri mér það að sleppa því að mæta þessa vikuna.  Búin að vera voða dugleg að vigta og mæla þá sem á að borða en svo hefur bara verið slatti sem á alls ekki heima í dagbókinni sem ratað hefur vitlaus leið þessa vikna.  Auðvitað ekkert skráð :(  En það sem er að trufla mig aðallega núna er súkkulaði sem var til hérna um helgina og næstum bara hvarf oní mig!  og svo hef ég slakað á brauðinu og þetta tvennt er víst það sem skemmir hvað mest fyrir manni skv Kristínu.  Átti gott spjall við hana -svo fáir sem mæta í vigtun í góða veðrinu.  Hún kom með nokkuð góðan punt til að fókusa á næstu vikur og ég verð að viðurkenna að ég hafði ekki hugsað hlutina út frá því fyrr.  Sko hún sagði að þegar svona gengur (hef bætt á mig síðustu þrjú skipti) þá er gott að einbeita sér að því að þyngjast ekki heldur halda sér bara í sömu þyngd.  Undanfarna mánuði hefur orkan og fókusinn verið alfarið á að léttast og ekkert annað.  Mér létti nú bara við þessa tilhugsun og VONANDI næ ég að koma mér upp úr þessu núna.  Ætla að halda stífa dagbók og koma með í næstu vigtun og það eitt er gott aðhald

Vigtin sagði sem sagt 700g upp aftur

Jæja best að koma sumarblómum í potta sem ég var að kaupa.

Sólskinskveðjur

Gerður

Já ég er hér enn.  Hef átt pínu erfiða daga sem hefur verið að magnast upp undanfarið.  Veit ekki alveg hvað er í gangi finn samt að ég er orðin pínu leið á þessu, leið á að geta ekki verið með þegar eru boð og veislur -sem er búið að vera óvenju mikið af undanfarið.  Pirruð þegar ég kem í saumó með box og fæ svona háðsleg comment “ert þú sem sagt með nesti”  ohh ferlega pirró!  Sprakk svo um helgina og datt í smá rugl og sykurát.  Ekki get ég nú sagt að maganum hafi liðið vel á eftir og maður minn hvað það var skrýtið að finna hreinlega (slæmu) áhrifin.  Vakanði eins og ég væri 10kg þyngri en deginum áður (steig auðvitað á vigtina og ég lýg því ekki held að þetta hafi verið um 2-3 kg af vökva) öll þrútin og stirð og leið alls ekki vel á sálinni :(  En þar sem ég er svo mikil Pollýanna þá hamaðist ég við að hugsa á mánudaginn að það þýddi ekkert að sjá eftir orðnum hlut og maður verður bara að hugsa fram á vegin.  Mánud og þriðjud hafa því verði á góðu plani matarlega.  Hef að vísu ekki komist mikið út þar sem litli kúturinn minn (sem BTW varð1árs í gær) er lasinn með háan hita og vill bara kúra í mömmufangi.  Þarf tilfinnanlega að koma mér í einhverja hreyfingu það er á hreinu hvort sem mér líkar það betur eða verr ;) 

Vegna veikindanna fór ég ekki í vigtun í gær en ætla mér að fara í Garðabæinn í kvöld þó svo að það verði ekki alveg nákvæm vigtun því það er á öðrum tíma en vanarlega . Það er bara eitt skipti eftir í Hreyfigreyningu þannig að það er alveg eins gott að koma sér á það ról.

Jæja varð aðeins að pústa þessu frá mér  takk fyrir að nenna að lesa ég ætla að klára að undirbúa hádegimatinn sem verður gulrótarsúpa og skyrdesert.

GP

UPDATE kl. 20:00!

Vigtun lokið og voru það 300 grömm í plús.  Nú skulda ég slétt kíló þannig að það er eins gott að halda vel á spöðunum þessa vikuna.

Já já ég vissi alveg að ég færi upp en það voru 700g… ég bjóst nú við meiru.  Er búin að vera rosa stabíl og stillt þannig að allt er komið á rétt ról aftur :)  Mætti þó aðeins of seint í vigtunina og fundurinn var byrjaður þannig að Kristín vigtaði mig ekki heldur sú sem er oft með henni.  Náði því ekki alveg að fá smá pepp frá Kristínu og ég er svo hógvær að ég kunni ekki við það eftir fund hehe.

Jæja brjálað að gera í dag, fótboltamót með stráknum og svo beint í saumó til Grindavíkur þannig að ég þarf að útbúa mér e-ð nesti til að borða þar þar sem engin tími verður fyrir kvöldmat hehe.  Sko suma daga er ekkert í gangi og maður alveg að mygla á hversdagsleikanum og svo koma svona dagar þar sem nóg er að gera og þá vill maður helst slappa af

Jæja best að fara gefa 3 fótboltastrákum hressingu fyrir mótið

Later

Gerður

Ohh var búin að blogga hérna heila færslu sem bara hvarf!  Jæja anyways.  Bikan byrjaði vel en svo var út að borða á föstudaginn dýrindismatur sushi, sasimi, keingúra og allt þar á milli og rosa gott.  Aftur svindl á laugardag í útskriftarveislu og svo var þetta sukk helgarinnar toppað með afmælisvelislu á sunnudag.  Held að mallinn minn hafi verið búin að fá nóg af þessu öllu saman því ég vaknaði í morgun með þvílíkan magaverk og niðurgang (sorrý hreinskilnina).  Það er því eins gott að mæta á vigtina til Kristínar á morgun og koma sér á réttu brautina ASAP!  Hef nú aðeins fylgst með henni hér heima (vigtinni sko) og ekki lofar hún nú neitt góðu

Jæja farin að gera mér nesti fyrir vinkonuhitting í hádeginu.

Gerður svindlarinn